Sama situacio, malsama revo

40x40cm sur canvas, mixed media / Sama situacio, malsama revo 동상이몽 2024 / Ana Sonĝanta

Okaze de Internacia Virina Tago 2024

40*40cm sur canvas / Ni ĉiuj estas fratinoj (okaze de Internacia Virina Tago 2024) 우리 모두, 자매들 / Ana Sonĝanta

Ĉiu havas sian propran direkton de la vivo

40*40cm sur canvas / Ĉiu havas sian propran direkton de la vivo 우리 모두는 자기 삶의 고유한 방향이 있다 2024 / Ana Sonĝanta

Nous irons a trottinette?

40*40cm sur canvas / Nous irons a trottinette? 퀵보드 타고 갈까? 2024 / Ana Sonĝanta

Sub la sama ĉielo

60*30cm sur canvas / Sub la sama ĉielo 같은 하늘 아래 2024 / Ana Sonĝanta

Ĉielo, tero kaj maro

60*30cm sur canvas / Ĉielo, tero kaj maro 2024 / Ana Sonĝanta

Ekde iam antaŭe, kiam mi prenas penikon, ĉiam unue aperas birdo sur la canvaso. Mi ne scias kial. Aperas birdo, la birdo parolas al alia birdo, poste floro aperas, la floro serĉas alian floron. Kaj aperas vento, la vento rakontas al suno. Fiŝoj aperas, ili salutas al homo. Tiel la pentraĵo komenciĝas kaj tiel finiĝas.

Vintra vivo en kamparo

Antaŭ 14 jaroj, kiam nia familio translokiĝis en profundan kamparon, ni jam sciis, kiom nia vivo estos modesta, simpla. Dalmini, kies delonga revo estis fariĝi agrikultivisto, nuntempe ferias, ĉar vintras. Ĉi tie en montara vilaĝeto tutan vintron oni ferias, ripozas laŭ diversaj manieroj: en vilaĝa komuna salono, maljunuloj kuniĝas de la mateno, ludas kartojn, kune kuiras, kune manĝas, eĉ interdisputas. Ĉiu vilaĝo ricevas subvencion de urbodomo por la funkciado de vilaĝa komuna salono, ekz. pro hejtado, mebloj, necesaj elspezoj. Kelkaj, relative junaj vilaĝanoj vojaĝas por ripozigi sin. Ĉi-jare Dalmini kaj mi flugis al la insulo Jeju.

Fakte, nia vojaĝo en Jeju estis preskaŭ sen plano. Ĉar ekde kiam Leo, nia filo estis infaneto, viziti Jeju okazis tre ofte. Ni nur deziris aerumi en fremda loko, kie troviĝas maro, varmeta vetero, lokaj personoj, freŝaj eventoj. Plie, por atingi Jeju per aviadilo, necesas nur unu horo.

Ie ajn en Jeju troviĝas maro. Promenadante ĉe la maro, ni babiladis pri niaj familianoj, revoj, sanoj, amikoj kaj tiel plu. Kromnomo de Jeju estas "insulo kun tri multaĵoj" : virinoj, vento, ŝtonoj. La duan tagon vere multe ventis ĉe la maro, vesperaj nuboj minacis, la ondoj kvazaŭ koleriĝis.

Miaflanke, dezirata vizito estis nur muzeoj aŭ galerioj. Do iun posttagmezon ni vizitis la muzeon Waljong.

Vintra Jeju estas fama je belegaj kamelioj. Tamen, en miaj okuloj, estis ankaŭ belaj la rondaj brasikoj kultivataj ĉe nia loĝejo. Jes ja ĉiuj estaĵoj iel tiel belas kiel floroj, eĉ ni homoj !

14 jarojn pasiginte en kampara vivo kiel urbodevena paro, se iu demandus, ĉu nia decido translokiĝi en kamparon estis prava, senhezite mi povas respondi : tute jes!

Ĉar nun mi klare vidas, kio estas trezoro de la vivo. La kampara vivo konkrete instruis min trovi tion.