Existe-il des rons-points dans les marines?

50x50cm sur planche de bois, acrylique et sable / Existe-il des rons-points dans les marines? 바닷 속에도 원형교차로가 있나요? 2026

Ĉu pro tio, ke lasttempe nia familio vojaĝis en marborda urbo? Mi kuris proksimen por pli bone rigardi la maron. Ĉu ekzistus trafikrondo en la profunda maro? Imago flugadis en mia kappo.

Estas hejme. Unu el multaj avantaĵoj el kampara vivo estas konscii trankvilecon. Freŝa aero, milda venteto, bojado de hundidoj, kantoj de sovaĝaj birdoj. En tia etoso, mi pentras. Sagak sagak.. nura bruo el sabloj sur mia panelo. Tiam mi povas havi okazon rigardi min mem kaj aŭdi mian profundan koron. Tio estas ĝusta respondo, kial mi pentras.

Ĉi-semajne, vizitis min kelkaj studentoj nekonataj kun sia profesorino el alternativa liceo, nomata [MokdoNaru]. La profesorino simple prezentis, ke ili estas unuj el ĉi-jaraj freŝaj lernantoj, kaj ke en la unua semajno ili vizitas homojn por intervuji, per kiuj oni povas rigardi la mondon alimaniere. Al mi, la lernantoj ĵetis demandojn jen pri Esperanto, jen pri pentrarto.

"MALKOVRI MIN MEM, RENKONTI LA MONDON" Post kiam ili foriris, mi legis la broŝureton pri la speciala liceo. La du frazoj skribitaj estas ne nur por tieaj studentoj, sed ankaŭ por ni ĉiuj, mi opinias.